(قصيده لم تكتمل)
للعشك نرسم
صور في هالحياة..
وكلمن ايدور الوان الفرشته...
يوصف
ابمحبوبته ابأجمل الوان..
حتى يكسب شوكها الي حبته...
واحد يوصف
عيون وشعر ليل..
واخر .واخر او كلمن رغبته...
لكن اغلبها
صور تحمل خيال..
مو حقيقه اوروح صدك رادته...
لكن الحب
الحقبقي وحب جنون..
ابكل حواس البشر اعلن ثورته...
شفته عد ناس
اترست ارض العراق.
.وهامت اتباهت ابشوك الحملته...
اتجمعت احرار
من كل الاديان..
وفي جميع احساس عدها عشكته...
اتبارت اشترسم
صور حبها الوحيد..
ابيا شكل يا لون شعرا رسمته...
هامت انجنت
طفح بيها الهيام..
ورغم ما خلو حواجز كصدته...
هوه واحد
حبته وكصدت جموع..
اتسابكت كل الجموع الديرته...
اتسابكت بر
وبحر جو الجموع..
ابأي طريقه اتريد تبغي وصلته...
بس عشك
بيه سر
خاص من الالاه..
الالاه اوجده جلت قدرته...
لان نعرف
بالبشر لو حب حبيب..
ونعرف ابروحه اعله شوكه او غيرته...
لكن العاشك
عشك من ضايقاه..
وكام يوكف بالطريق الخدمته...
وناس عادت ناس
تمشي ابفد طريق..
والتعب تمتد ادين وعانته...
والبرد شافوه
في هذا الطريق..
تنزع اهدوم العليها او غطته...
داخت ابحبه
ملايين اعتنوه..
ويا سعيد اليوصل اول حضرته...
الحبها تهتف
نسمع ابكل اللغات.
.كلمن ايعبر الحبه ابلغته...
ايجادل القس
الموالي ابهالطريق..
لاتضن عشكك الك في عضمته...
عشك احرار
الارض عشك الجميع..
وكلنه اجينه ابشوك نحمل رايته...
اتعنت من الصين
الى ارض العراق..
وبيت جاهز في طريقه نصبته...
اشجاب بكين
الجنوب الرافدين..
وعلم فوك البيت للحب رفعته...
كتبو المعشوك
منكم يا عراق..
انحبه وانحب الكصد لزيارته...