اتمنّه كون ارجع طفل وأصرخ ودگ بأعلى الصوت
واتمنّه فرّارة ورق عندي بغلات الياقوت
واتمنّه بأحضان الدرس صفّي وأظل بيه منحوت
وأتمنّه وي ربعي وهلي أسهر وأطلع المكبوت
واتمنّه ينصفني الوكت مثل الدخل بطن الحوت
واتمنّه كون أمي ترِد تعدل وأكَسْر التابوت
واشبگها بسنين العمر وخل العمر كلّه يفوت
وماگلها عَ الصار وجرى خافن ترد هم تموت
بس أدري حتماً تفتهم وتحمله همّي وبسكوت
بلمسة حنان لكل جرح يتشافه أمّن مبخوت
هذي الاماني بكل أسف حاكمها علم اللاهوت
بس عندي ظلّت امنيه صارت ألي مثل القوت
اتمنّه كون بكربله اني اندفن بعد الموت