فرقة الرحيق للفنون المسرحية
مسرحية (الامن)
التنظــــــــــــــــــــــيم.....احمـــــد طه
الأصوات و الإضاءة.....علي عبدالله
الديكـــــــــــــــــــور......حارث اسماعيل ومحمد نعيم
الممثــــــــلون
سالار شهيد الموسوي
كرار حيـــــــــــــــدر
حـــــــارث اسماعيل
حيدر عاشور الجهلاوي
حسيــــــــــن علي بلـط اخراج حيدر عاشور الجهلاوي
حيدر رحيـــــــــــــــم
مصطفى قاســــــــــم
عباس رحيـــــــــــــم
وائــــــــــــــــــــــــل
محمد كريــــــــــــــم
علي هاشــــــــــــــم
حسين طعمــــــــــه محمد نعيـــــــم حسين قاســـــــــــــم
مسرحية الامن
الادوار
1.المنقذ
2.العراق
3.الدول المجرمة (6 شخصيات)
4.محمد
5.عمار
6.شخصيات المشهد الاستهلالي

الديكـــــــــــور
(العلم الامريكي فوق العلم العراقي ، هناك سيوف جارحه بالعلم العراقي ، العلم العراقي ينزف دماُ ، خيوط العنكبوت تحيط بالمكان ، هناك شمعة منطفئه في زاوية معينه)

البداية:-
(( محمد وعمار نائمان و المنقذ جالس))
((الظلام يحيط بالمكان وتدخل مجموعة من الشباب يحملون الشموع))
((يخرجون))
((يدخل العراق و هو مفتخرا ومبتسم))
((يدخل المجرمون ويعملون حركات الرعب)) (( يحزن العراق))
((يقوم المجرمون باعتقاله وتقيده)) ((يخرج المجرمون))
((يستيقظ محمد و عمار شيئا فشيئا))
محمد: بعدنه بالشارع !!
عمار: اي خويه بعدنه بالشارع .
محمد : بس الشارع مو ستر للناس
عمار: الشارع صح مو ستر للناس.. تدري ليش !! لان الشارع هو رايدله ستر
محمد: ليش احنه مو مثل الشباب الباقين؟
عمار: منو كال عنه احنه شباب؟
محمد: ليش احنه شنو؟
عمار: مو شباب!! تدري ليش؟ الشاب مو بالعمر و القوه والشيب الشاب هو الشخص الذي يحكمه الضمير و يرى بالبصير ولا يحكمه الغير
محمد: صحيح..صحيح
عمار: هل توجد فينا هذه المواصفات؟
محمد: عمار احنه شسوينه خلال هاي السنة؟ احنه ما بينه فايده
عمار: لا بينه فايده جبيره ((يسعل))
محمد: شفت اذن ماكو اي فايده بينه لو نموت احسن النه و الهم
عمار: الهم!! منو تقصد ؟
محمد: الشباب الاعلى منه الي يستلمون راتب ايكفي و يغرك العراق
عمار: عله طاري الراتب احنه اشلون راح انعيش؟؟
(( ينهض المنقذ ثائرا))
المنقذ: بالمواجهه الكل يعيش
محمد: منو هذا؟؟
عمار: منو انته؟؟
المنقذ: سيأتي القريب و يمحي البعيد
محمد: هذا شجاي يحجي؟
عمار: هذا يجوز مثلنه لا حظ و لا بخت
المنقذ: لا يوجد شئ اسمه الحظ بل يوجد شئ اسمه الاراده
عمار: يبو اراده جا ما خذت حقك؟؟
محمد: عمار خويه هذه مخبل لا تحجي وياه ((المنقذ يبتسم))
عمار: امشينه خلي ندور عله شي ناكله
المنقذ: بل ابحثوا عن عمل
محمد : شو تروح ((يجلس المنفذ )) ((يخرج محمد وعمار))
((المنقذ ينظر الى العراق ويراه حزينا ))
المنقذ :والان ....كيف حالك ؟؟ لم لا تدعو الاله فيخسف الارض بهم
العراق: لكنهم احبائي
المنقذ: انت تعلم ان ابناء الملك هم اللذين دمروا ابناءك
العراق: واعلم كذلك ان الله مع الصابرين
المنقذ: والله اوصى بالجهاد
العراق: لم لاتفك قيدي لكي احمي ولدي
المنقذ: حسنا ولكن لاخر مره ((يقترب المنقذ من العراق))
((يدخل المجرمون ويقيدون المنقذ )) ((يخرج المجرمون))
العراق: لم اقل لك تعال لتتقيد ولكن قلت لك حررني
المنقذ: لا احد يحررك ماعدا ابناؤك اذا صحوا من الغفوه
العراق: اين الشعب الذي يريد التغيير ؟؟
المنقذ: سياتي اليوم الذي يبدا فيه التغيير ؟؟
العراق: انا انتظر ذلك انا انتظر يوما يخرج فيه الطالب مبتسما والعامل مبتهجا والضعيف منتصرا ........ انا انتظر ذلك. انتظر ذلك
المنقذ: الله الله مع الصابرين..........
((تدخل الدول السته)) ((رقص السحره داخل القاعة وموسيقى خوف))
الدوله1:ارهبوا !!
الدوله2: ارهبوا !!
الدوله3: الشعب !! الشعب !!
الدوله4: دمروا !!
الدوله5: دمروا!!
الدوله6:الشعب !! الشعب!!
((تخرج الدول برقصات)) ((العراق ينزف)) ((تحصل اصوات انفجارات))
((اصوات بكاء طفل وصراخ مرأه)) ((يدخل عمار ومحمد مسرعين))
محمد: شفت الطفل المات ؟؟؟؟
عمار :لالالالا شفت منظر مرعب ((خائف))
محمد: شبيك خو ما تعورت ؟؟
عمار : لالا شفت شيء اكبر من هذا كله
محمد : شنوا لشفته ؟؟
عمار : شفت البوري منحني والعلم مدنك وشفت الله اكبر تريد تحجي ويمكن سمعت صوت
محمد: شنو الصوت ؟؟؟
عمار :الصوت جان صوت جميل وحنين كلش وحسيته يطلب مساعده وكال.....
محمد: شكال؟؟؟
عمار : كال الا من وسكت
محمد: معقوله كال الأمن ؟؟
عمار: لا ..لا ..كال الا من وراد يكمل بس.............
محمد: بس شنو.......
عمار: بس الحزن غطاء
محمد: وبعدين
عمار: بعدين!! اكتمل الحريق
محمد: الله اكبر
عمار: احنه لازم انشوف حل
محمد: حًل!! حًل!! ما كو حًل بس اكو حٍل
عمار: لا حٍل بعينهم
المنقذ: لقد احترق العلم اليوم وغدا ستحترق الخارطة
((عمار ومحمد مستغربين))
محمد: هم انته؟
عمار: منو مسوي بيك هجي؟
محمد: منو هذا اليمك؟؟
عمار: جاوب...جاوب
المنقذ: هذا الذي بناه السومريون ودمره الشباب هذا الذي صنع المسلة من التراب و صار سراب
عمار: منو؟
محمد: احجي بسرعه!!!!!
المنقذ: هذا الذي تحنى الاهرام له هذا من صنع الجواهري و المتنبي هذا المعلم الفاضل الذي علم دول الخليج الاحترام وبناء السلام
محمد: احجي مو بادت رجلينه
المنقذ: الم تعرفه؟؟
محمد: منو؟
عمار: منو؟
المنقذ: العراق.....
((يركضون يتحيرون يتصادمون ))
عمار: العراق!!
محمد: اذا هذا العراق جا هسه احنه وين؟
عمار: معقوله بدرع الجزيرة؟
محمد: لا..... ايجوز احنه لكمة بمجاعات افريقيا
عمار: ويجوز احنه فار التجارب
محمد: و يجوز احنه كلمة على لسان يتيم ما يسمعه اي واحد
عمار: جاوب يا غريب الاطوار احنه وين؟
المنقذ: انتم في منتزه للشباب في قسم قطع الرقاب
عمار: و الحل ؟
محمد: لازم انحل الوثاق
عمار: شلون؟
المنقذ: بالتغير كل شئ بالتغير نعم...... التغير
عمار: محمد انته جاهز؟
محمد: اي جاهز... يلا بينه
((يذهب محمد و عمار لتحرير العراق فيدخل المجرمون ))
عمار: وكم من فئة قليله غلبة فئة كثيره
محمد: يلا عمار
((معركة تعبيرية جسمية بين الطرفين مع اضواء و موسيقى فقط))
((تخرج الدول السته ))
((عمار يفك الوثاق عن العراق))
((يخرج عمار ومحمد والعراق))
المنقذ: ارى دائما منذ ان ولدت وحتى الان ان الجميع يحرر بلده ولكن سرعان مايعودون الى وضعهم المذل .....لانهم لم يحرروا الضمير.
((صوت عمار من خارج المسرح ))
عمار: لا.... ((يدخل عمار ومحمد))
محمد: اشلون نسينه ؟؟ ((يحررون المنقذ ))
((يشير المنقذ الى الخارطة وعلم امريكا))
((عمار يشير برأسه ثم يخرج ))
((يدخل عمار وبيده الضماد))
((يحطمون العلم الامريكي )) ((يشعلون الشموع))
((يضمدون خارطة العراق ويخرجون السكاكين))
المنقذ: حياكم الله يا اعلم شعب
عمار: احنه مو مثل ما كال خارج قوس احنه القوس نفسه
محمد: ومو مثل ما كال خارج قوس عن فلمنه...امشي..اوكف..اسكت..خطا..صح
احنه فلمنه .....
الجميع: امشي.. امشي..امشي..هذا احتلال..اسحكه..امشي ..امشي..امشي
((يدخل العراق وينزع الرداء الاسود))

((النهايـــــــة))
المؤلف: حيدر عاشور الجهلاوي