قبل ان ابحر في كتابة المشهد وكما تعودت بدون مسوده او ورقه احب ان اذكر السيد المسؤول عن هذا المشهد بان الله سبحانه وتعالى قال
             بسم الله الرحمن الرحيم
(وقل اعملو ا فسيرى الله عملكم ورسوله والمؤمنون )
                                          صدق الله العظيم
المكان \( دائرة حكوميه وفي احد الصالات  يوجد براد ماء
            وجهاز تحليه )
الجهاز \ ( يقع ارضا – دون ان يمسه احد واخذ يسحب نفسه
            بصعوبه حتى يكاد ان يختنق )اع اعوينت ابوي
            وابو ابوي –اشمالني لو مجلب بالبراد (يلوم نفسه )
المراجع \ (يتجه نحو الجهاز ) خويه مال عدوك—اروحلك
             فدوه ابوماي الحلو
الجهاز\الحكلي خويه ماعت روحي بي دوخه
المراجع \( ياخذ خذ قنينة الماء ويرش قليل منه على وجه
       الجهاز وهو يمسح به ) اطيني وجهك يمن سوده ا
        بويجهي
الجهاز \افيش هسه ردت روحي اعدلني وياك شويه
المراجع \ ايه خويه سولفلي اشلون طحت موانته ثابت
             بالحايط صارلك من يومين (مع نفسه ) هاه
             اكول البنه منطاح حايطي كالي جاانته تريده
            عمر ايه خويه سولف بلجن يسمعك المسؤل
            ويلتفت لك
  الجهاز \يوه  يوه   انه اشتروني لجنة المشتريات
           يوم16\6\2013 من المحل شالوني مثل المي
              بالصينيه ايه بيه افلوس مستفادين مني
المراجع  \ ايه طبعا ولازم موبس انته
الجهاز \ اهوه وياي غراض دك وفلك المن
المراجع \ للدائرة
الجهاز هاه وياي اخوتي ميز مكتب عددهم عشريين وبراد
        ماي واختي هاي الصارت بالخارج اسمه برافان من
المراجع \ ايه خويه
الجهاز \ وراها وبعد ايام حطو جهاز االبراد وبالماطل يله
           شدوه هاه من يوم 16 بشهر السادس بذيج الحريه
المراجع \حته لو هايشه  جا ماتت من الماي الحار
الجهاز \ الله يساعد كلبك وكلب جماعتك
 المراجع \  بس لاتشلع كلبي كمل
الجهاز \  غير اجيبه الك بالتصنصل
المراجع \ صنصلها رحمه عله اهلك
الجهاز\ شدو البراد واجه الماي
المراجع  \يانعمتك يربي (يزغلرد)كل ل ل للوش
الجاز \تجيك السالفه داعيك بقه بكارتونه وبملابسه محد كلبه
المراجع \لاتشلع كلبي كمل
الجهاز\ اطني صاول خن ابلع ريجي مال عدوك
المراجع \خلصني بسرعه فوت سالم
الجهاز \ادور جيب الليف
المراجع \ ودني الليف
الجهاز\وعله هالرنه
المراجع \ وطحينج ناعم –
الجهاز\  انشلع كلبي لمن اجه واحد ايشدني
المراجع \ الحمدو لله
الجهاز \ اسمع جايب وياه جاكوج مال كهرباء وبسمار ابو
         النص انج هاذياه
المراجع \ شنو
الجهاز\ وحاة ابوك ما جذبت  يكول انه خبير وانه كلت
        بكلبي خبير مال خريط تاليها  اسمك رجل يكعيم عن
        وحشة الليل
المراجع \ والنتيجه
الجهاز\ خليته يم خديجه  سلملي عالجماعه لاحظت برجيلها
المراجع \ ولا خذت سيد علي  كمل خويه كمل هاي سالفتك يرادلها تؤمل
الجهاز \ الطلابه موهاي الطلابه ماكونقطة كهرباء ام اسسه
         يمي لان الدائرة بيت ايجار
المراجع \  ايه مبين
الجهاز\ الحاصل جيب ليل وخذ عتابه كول ثبتوني
المراجع \ الحمدولله عله الملاك الدايم
الجهاز \ يا صخام بالحايط ومثل ماكتلك بسمار ابونص انج
المراجع \ هاي اشلون
الجهاز\ البسمار يادوبك لاح البياض وطببيه -- داخ راسي
         وطحت
الموظف \ (اثناء مروره واذا به يشاهد المنظر امامه) يااخي
             هيه هاي تريد تخمط الجهاز
 المراجع \ سمي بالرحمن عمي يالموظف شجاك بويهكل ما
           بالامر انه شفته طايح وسولف وياه
الموظف \ ( بتعجب ويضحك ) اسولف وياه اشلون
المراجع \ حط اذانك يمه واسمع الواحد منالظيمنوبات يهذي
الجهاز\ استاد انتهاعرف بيه مو يوم 28\8 دكوني بالحايط
           وحات ابوك يوم 29\ 8 طحت
الموظف \ ايه والله صحيح ولحد الانباقيت على واير
          الكهرباء
المراجع \ عمي انه عد ابن عم عنده ابتر نيت
الموظف \انتر نت
المراجع \ايهوه وشرحه الحاله بلكت يوصله للمسعول
الموظف \ ايه والله عمي
الجهاز \ وخلي يكل للمسؤول انه ماعايز بس واير تاسيس
         عشر امتار ودكمه
المراجع \ يوصل
الجهاز\ واذا وصلت خل يكتب عباره (حسون شيل النون)