هذا اليوم عيد ويرفض النسيان
والصانع عراقي،قاهر الطغيان
الفاعل عراقي،صاحب الغيره
 يموت ولا يره الأرهاب بالديره
صارت همج داعش ضحكه للأجيال
وجرف النصر صار إلهم قبر مكشوف
الطير يظل ياكل بيهم!
الواوي يظل ياكل بيهم!
بتصميم(الأمام!) وحكمة(الفاروق!)
صار أعداءكم مثل الجريذيه
أولاد الملحه الله وياكم!
أولاد الملحة الله وياكم!
نسو!إن المجاهد إبن هاي الكاع
ويفدي بروحه مثقال الرمل منهه
العراقي!،يابهائم!،أرضه ماتنجاس
ويذود بعزم مثل الأسد عنهه
أتباع السيد منصوره!
أتباع السيد منصوره!
أبطال الشعيبه وثورة العشرين
(فرحانين!) من زفة شهيد إلهم
أبطال الرميثه و(ثورة!)الأنبار
خلو كل عدو أحمق يفر منهم
(الطوب أصلب لو مكواري!)
(الطوب أصلب لو مكواري!)

ملاحظة: الطوب:هو المدفع،السيد:هو السيد علي السيستاني حفظه الله وأطال عمره،مكوار:لاحاجة لشرحه فهو معروف للجميع!
تنجاس:تلمس ،الأمام:سيدنا،أمير المؤمنين علي بن أبي طالب،كرم الله وجهه!،الفاروق:سيدنا أمير المؤمنين عمر بن الخطاب(رض).