اثناء توجه سيارات الكوستر بقيادة فرحان الغضبان ( ابو غضب) الى الكراج لم يسمح للكوستر بالدخول ، واستفسر فرحان الغضبان عن السبب فتم اخباره بأنه لم يحترم صاحب الكراج ، فقال فرحان الغضبان ( عمي اني فرحان الغضبان اني ابو الاصول شلون ما احترم صاحب الكراج صدك جذب شنو الذي اني سويته ) فقيل له (اذا انت تحترم صاحب الكراج لعد ليش ما شلت ابن ابو الكراج من أشر وراد يركب وياك بالكوستر)، فقالت امرأة من العبرية ( يا عزا وصخام بوجهي هاي شنو المودة الجديدة البارحة طيارة جاية من لبنان وما سمحوا لها في النزول بالمطار والسبب لان ابن ابو المطار ما صاعد بالطيارة) ، وتكلم رجل من العبرية وقال ( اي والله يا حجية كلامك صحيح وهم زين الطيار جان مفول بانزين ورجع الى لبنان جان خلص البانزين ووكعت الطيارة) ، وفي هذه الاثناء تدخل فرحان الغضبان وقال ( يابه حجي وانتي حجية كافي ما اريد واحد يحجي على ابن ابو المطار وتفضلوا انزلوا وروحوا الى بيونكم كحف على الرجلين لان ابو الكراج ما يقبل اقبط) وانتهت حلقة اليوم بعد ان ردد فرحان الغضبان مع نفسه ( هم زين ما ذكروا ابن وزير النقل بالاسم الحمد لله ، والله يخلي ابو المطار اقصد ابو الكراج الله يطول عمره !!).