ابوغضب فرحان الغضبان سائق الكوستر قال لجميع الركاب ( اكول انتم ماكو عدكم فد مقترح فد شي بشأن الانتخابات المقبلة) ، فرد عليه احد الركاب في الستين من عمره قائلا ( والله يا بو غضب اني عندي فكرة ولو يطبقوها الجماعة يمكن يكسبون الناس ويمكن العراق يصير بخير ويمكن يتغير واقعنا ويمكن......) لكن فرحان الغضبان قاطعه بالقول ( يابه حجي ابو يمكن دطلع الجوهرة وادخل بالموضوع وكول شنهي هي فكرتك ) ، فرد عليه الراكب ( مقبولة منك ابو غضب .... فكرتي هي بكل بساطة لو يتم منع اعضاء مجلس النواب الحالي في الترشيح للانتخابات القادمة ) ، فقال له فرحان الغضبان ( حجي ممكن توضح اكثر ) ، فقال الراكب ( يعني مختصر مفيد ما يسمح لاي برلماني حالي بالترشح للانتخابات القادمة ، خصوصا انه توجد اسماء مرشحة جديدة تبشر بخير وذوي اختصاس ومؤهلات وكفاءة) ، وتدخلت امرأة من الركاب اسمها ام جبار وقالت ( يمه فرحان واحد لازم يحجي حظ وبخت لانه اكو في البرلمان الحالي شخصيات محترمة مو كلهم مو زينبن ) ، فرد عليها فرحان الغضبان ( حجية ام جبار صح اكو ناس زينين واعتقد ان هؤلا الزينين والشرفاء المفروض يرحبون بهاي الفكرة بمعنى يضحون من اجل العراق ومن اجل استبعاد الكثير من اعضاء المجلس الحاليين الما بيهم كل خير) ، فردت عليه م جبار ( وانت يافرحان شدكول اكو شجاعة لتبني فكرة الحجي ) ، فقال لها فرحان الغضبان ( والله يمه اهل العراق الطيبين كلهم شجاعة وخير ونتمنى لو يصدر قرار او ينظم استفتاء حول فكرة الحجي والمتضمنة منع اعضاء المجلس الحالي من الترشبح للانتخابات المقبلة ) وانتهت حلقة اليوم بعد ان ردد فرحان الغضبان مع نفسه ( الحمد لله بعد اكو بالعراق ناس يفكرون ).