مقدم برنامج حديث الكوستر فرحان الغضبان قال موجها كلامه للعبرية (عمي جان في زمن صدام يعتمدون وثيقة اسمها يوم النخوة وهذه لعنة سلفه سلفانا بحيث وين ما تروح يطالبوك بيوم النخوة ) فرد على فرحان الغضبان احد الركاب قائلا ( عيوني فرحان هسه هاي السالفة شلك بيهه ووين لكيتهه ) ، وقبل ان يرد فرحان الغضبان على اسئلة الراكب تدخلت امرأة في الحديث وقالت ( انا اعرف ليش فرحان الغضبان هيج يحجي لانه يريد ينتقد قرارات مجلس وزراء دولة ما ومجالس بعض المحافظات لهذه الدولة بأعتماد ورقة بطاقة الناخب الالكترونية ، والماعنده هاي اليطاقة ما يستلم راتب وما تمشي له اي معاملة وحتى البطاقة التموينية احتمال تنكطع ويجوز يطلقون الزوج من زوجته ويجوز يكصون خشم المواطن لان اذانه مكطوعة ووو) ، وهنا تدخل راكب اخر من العبرية وقال ( عمي مصايب بلد ما لاصارت ولاتصير على احد والله ياعمي عيب هذه القرارات هاي قرارات باطلة) وبعد هذه المحاورة قال فرحان الغضبان ( يابه العتب مو على الذين يقودون شعب ما وانما العتب على ؟ !)
وانتهت حلقة اليوم بعد ان قال فرحان الغضبان ( الانتخابات شيء جميل ورائع لكن عندما تفرض بالقوة سوف تتحول الى يوم نخوة جديد وتتحول الى نعم لشخص ما بنسبة ميه بالميه!!)