الاسم:     نور********
-المدينة:    ذي قار الناصرية
-سلام عليكم
اني خريجه هندسة تقنية قسم السيارات من الكلية التقنية نجف صار سنتين ونصف اعمل بصفت اجر يومي بشعبة صيانة القطاع الاول دائرة صحة ذي قار بعنوان مهندسةميكانيك سنه 2012 رحت لوزارة الصحة ونطوني كتاب تثبيت ضمن درجات الحذف والاستحداث بعد ما زودت بطلب من قبل المحافة قبل شهر اعلنت دائرة صحة ذي قار درجات ضمن الحذف والاستحداث للمهندسين ومن ضمنهم اختصاص الميكانيك اخذت نسخة من كتاب الوزارة وبقيت اوراقي الرسمية واذا اتفاجئ انه رئيس لجنة المقابله ************* يكلي ما مسموحلج التقديم لان انتي خريجة تقنية !!!! على فكرة اكو اكثر من مهندس ضمن ملاك دائرة صحة ذي قار هم من خريجي الكليات التقنية اذا وزارة التعليم العالي زودتنه بوثيقة تخرج بعنوان بكلوريوس هندسة وحتى بالدليل التقديم للجامعات لخريجي الدراسة الاعدادية مذكور الكلية التقنية الهندسية تمنح شهادة بكلوريوس هندسة وماكو اي كتاب وزاري يمنع شمولنه بتعينات المهندسين زين اسأل صار اكثر من سنتين عملي بصفه اجر يومي براتب 100 الف وقبل شهرين بس صار 150 الف وانتظر بس فرصه للتثبيت ومن تجي ارفضت على اساس شنو ؟ زين من يقدر تعب الدراسة وتكاليفه والسفر اربع سنوات للنجف وانتظار الاهل تخرجي عمود اساعد عائلتي المتواضعه منو يقدر والى متى هذه الظلم ؟يعني مهندسة حقي 150 الف ! بأي حق وبأي عرف يتقبل هذه الوضع !