لاسم:
 مراجع
 استاذ راجعت الطابو قبل حوالي ستة اشهر وعندي معاملة كشف مال مصرف اريد اخذ سلفة على بيتي الذي يقع في احسن منطقة بالناصرية دخلت الدائرة او جان واكف بالاستعلامات المساح ***** شاف اوراقي كال ادخل مناعلى غرفة ***** كاله يله حوله على الوارد وانطيه موعد اخذته وارد او رجعت الى **** اخذ من عندي رقم الموبايل او كال روح احن نتصل بيك طلعت او لكيت المساح ***** بالباب يسمع الحجي كتله يابه مو لازم المدير يحولني على الوارد كال لا هو هذا المدير يلا روح طبعا وانت موجود بغرفتك او رحت اشو بعدين بيوم الجمعة خابروني بيتك وين يصير احنا جاينك للكشف او وكفت الهم واذا بس المساح **** بسيارة سوبر رصاصي يله افتح الباب خل نشوف البيت دخل للطارمة كالي بيش تريد نقدره الك كتله 100 مليون كال لا مايصير عدنا ضوابط او نشتغل عليه كتاه يابه بيتتي يسوى حتى 400 مليون كالي الله كريم تعال الاحد او نتفاهم بس اطي 10 الاف للسايق انطيته اشو من رحتله الاحد خذاني الى غرفة فارغة بالطابق الثاني بالبناية الجديدة ام الدرج الواكف اخير غرفة على اليسار اوقفل الباب علي كالي يابة نقدره الك بس تنطينا اجورنا 600 الف دينار لو 5 اوراق كتلة يابة شدعوى او ماعندي كام يصيح علي او كالي بكيفك تريد ماتريد او بعدين ككال يلا سويهن 500 الف دينار واللة يا استاذ شسوي ان مظطر اطيه حتى امشي معاملتي اورحت للبيت اوجبتله الفلوس وانطيتهياه 500 الف دينار عراقي او لكيته كاتب الكشف وامتانيني او لكيت يممه مهندس **** اخذاني المساح **** جوا الدرج واخذ الفلوس من عندي اشو انوب كالي روح والاسبوع الجاي تعال يابة ليش كال مو استاذ *** مسافر **** والاسبوع الجاي يلا يداوم كتله يابة انن مستعجل كال بكيفك تريد انسويه من المدير لازم تنطيني بعد 250 الف دينا ر لان هذا مدير او خاف مايقبل كتل يابة انتظر شسوي امري للة او بعدين اجيت الاسبوع الثاني واخذت المعاملة منهم اوعلى حسب الاصول بس استاذ هذي بيا قانون وبيا شرع هذا اللي يصير الكشف الجمعة واوالاجور مال الموظففين 500 الف والموظف *** وانتانية يل يكمل الكشف ليش ماكو موظفين بالدائرة بس هذوله الاثنين الكصابين الي مايخافون لا من اللة ولا من بنادم بس استاذ ماكدرت اكلك لانه خفت خاف يخربون شغلتي اوبعدين سالت الناس كالو عمي هذول كل جمعة يطلعون اوعدهم 20 معاملة لو اكثر وانت زين بس 500 الف اكو ناس مليون او مليونين