صحيح انت وطن بالقاع خلوك
ومن اسوء بلد كلهم اختاروك

لكن بلا حساب الاغنى ما حسبوك
لان تتكالب عليك الدول من كل صوب

انت اجمل وطن مرسوم بكَليبي
وانت افضل عراق لو رادوا يبدلوك

انت اغنى وطن ما حسبوا بهاي
معروفة العلامة ولبيتك اجوك

انت اكثر وطن بي يتامى هواي
خافوا من ثورة الجياع يحموك

انت بلا عدد اسم وحظارة ودين
ليش بلا سبب غلسو ما انطوك

انت اعلم وطن لو ذكروا التاريخ
لذلك ما جابوا الخارطة من حدوك

انت اكرم وطن خيراته للبلدان
خفت من الملامة وعليهم يحسبوك

انت اكبر كَلب تتحمله هاي الكَاع
ومعروف بلا سبب تتعنى لو رادوك

ما شال الحقد والحسد فد يوم
هذا اسمك وطن ومن الاسم باكَوك

اذاً لا يفرح بعد الصنفوا أٌول
لان لو انت الاول جِا عراق سموك

الكاتب \ ماجد حميد الدبياني