علي أتفكـدك أيتــامك يا أبو الأيتــــام يواليها ويبوها الجنت ترعــــــاها
وتصـد عيــونها وتنتظرك اعله الباب بلجــن جاب عيــــــديتهــا مـولاها
ومن يخطـر خيـــالك ياعلي عله البال تفز كلوبها وتشـــــــــبك اليهـواها
ومايـدرون ياحيــدر ببـدرك غـــــــاب ومايدرون عدمن بعــــــــده خلاها
علي ولمن رحــت مـاودعـتهم ليـــش وشنهي الحكمه من روحتك معناها
ترى أيتامك غدت من يهب ريح الهـاب ويدك الباب تركضله اعله مسراها
تجد بلايا آوان اعله الوعد ويــــــــاك يالكلك عطايا وعشـــــــــــت وياها
تتصــــــور علي اليرعـاها عـد البـاب وعلى الموعد تذكــــــرها وتعناها
معـوِّدهم يطـل عليهم بكل عيـــــــــــد ويامحـله علي وطلته شـــمحـلاها
والأيتام جانت ماتحس أيتـــــــــــــــام لمن جان أبو الحسـنين يرعـــاها
وحسّت باليتم والهضـم يوم الغــــــاب عنها وصب دمعهــا بيوم ماجـاها
تتســـــــائل جميعا وين حيـــــدر راح لئن مايمكن الصنديد ينســـــــاها
يتـامه ومادرت كافـلها بالمحـــــــراب امخضب بالدمـه وتيهـت منــواها
****************
يحيــــــدر ياعلي وياأمــل كل الناس يمنـواها بشــــــدايدها وقضـاياهـا
كل الأمم تفخر بيك . . والتاريـــــــخ وحتى الماتعــرفـك بيـك تتبــــــاها
رِجْعت ، والشمس ترجع الكلمن كان لا والله ! إذا ماجان يســـــــــــواها
علي كُفؤْ البتــــــول وبالأصل لولاك ماكـانت (بلى) ويـاكفـو اليــدنــاها
الطير المشوي ياهو اللي دعاه ويـاه رســول الله إله وقـربه وأقصـــاها
وبابك أنته وحدك على المسجد جان باقي ، بيـوم كل البـــوب ســـــداها
بكل غزوة وحرب شاهدك ذو الفقـّار وبجـفــك عللهــــــا اعـداك داواهـا
يالبيك الرســول أنتصـر عالعــدوان وســـــــيفك للجحيم إعداك وداها
أذا أنته الرسول أختارك أعله الكوم الأحقاد أويشخصك شنهي معنــاها
ورجلك مو رجل غيرك الهادي عليه لمـن كسّـــــــر الأصــــنـام خـلاها
إذن انته العلي المايعله عالي عليك غيـــرك , والعـلي أولايـتـك عـلاها
وانته بثايتك من تحط رجل المـــوت يحيــدر يـاســبع رايتـك يدنـــاها ؟
مناقب والعقـــول كبال حدها أتحيــر ويتحطّـم توهمّها أعله مرســـاها
ياهو اليحصي وكفاتك يبو الحملات وياهـو اللي كرامـاتـك اســتقصـاها
كلك معجــــزه من الجـدم حد الراس كلمـــه وربـك لبت أســــــد ألقــاها
****************
شاعر أهل البيت (ع)
أبو عقيـــل الناصري