العمة نسمة وبرلمان العجائب!، شعر شعبي!/الدكتور خلف كامل الشطري
Fri, 19 Jul 2013 الساعة : 13:42
صاحت عمتي نسمه كتلنه الحر
وغبار (الشر) إجانه من الجبل والبر
من راح الصنم كلنه لفانه الخير
أشو صار (الخلف!)كلهم حراميه
يقودون البلد والعرك عالدولار
وبالفرهود ضحكتهم جماعيه!
xxxxxxxxxxxxxx
القهر دمرنه وعمك يريد يموت
والدكتور مايرضه بخمس ميه
دينار العراق يكول ماريده
والدولار عنده فرحته وعيده
كلناله يغاتي!الفقر كاتلنه
كال البرلمان إلكم وموش إنه؟؟؟
كالوا (إبن عمشه!) الجان يرعه الهوش
عضو بالبرلمان وعزف جوبيه
مطول لحيته ويصيح آنه الحيد
وفلوسه إدخرهه بدول غربيه
غير القوزي والفروج مايهوه
نسه(الديري!) ولبس مثل الأفنديه
بين(السنه والشيعه!)ضرب وصياح
عوفوهم!تره كلهم بلشتيه!
ياشعب العراق الصابر المسكين!
إزحف!(للمقر!)وإطرد الدونيه
هذوله الناس أنذال وعبيد المال
وبغير الطرد يبق الحال نفس الحال
إبن قاسم ترك من مات بس دينار
وذوله الطمع عدهم (عشعش وبيض!)
