(( لحن الحزن ))/ابو عقيل الناصري
Fri, 12 Jul 2013 الساعة : 0:24
الله يحـفـــظـك ياورد لا تمرد كليبي مرد
ــــــــــــــــــــــــــــــ
الله يحفظـــك ياوطــــــن يابو الملاحـــم والفتـن
ياهو العلى اعيونك فِطَن وعليك حط عين الحقـد
********************
يالجنت تزهي بضحــكتك والفرحه تغمـــر أمتـك
ياهو الحســــدلك وحدتك وخـلاك لأحــزانك ترد
********************
كلنه انصرم وكت الهجر وماترد شوغات العمر
واتفتّح اعلينه العصــــر فرحه بربيعـــك والحمد
********************
لا خابت ظنـــــون الأمل بسمك يبو اطباع العسل
يالبـيـك الارهـاب انـذهل شما حاول ايجيب البعد
********************
تبقى انتـه وازهار الفرح تتنامى بيك اعله الجرح
ومايفــلح الخان المــــلح ايجيبه الوكـت كَود وبَنِد
********************
حتى الســـعاده اتغـامـرك وبالحب تظـل إتباشِــرَك
ودم الشــــهاده لخاطـرك يصعـــــــد لجنـات الخُلد
********************
ياوطن يالدمعـــك يصب لاتـلجـــم جـروح الكلب
ماعدنه غيرك أي محب يعـيـوني لمـن تنـفـــكـد
*********************
ياوطن يالطبعــــك فَطِن حتى اليغــنيــــــــلك يون
هذا الشــعب ملّ الحزن وأنته اتعرف زين القصد
******************************
