السلام عليكم
اني ما راح اطيل عليكم وما اكثر السوالف ودوخكم لان اعرف بيكم مالكم خلك حتى تقرون المنشور بس اني صدكوني كلش مصدوم من سلوكياتنا كبشر او كمسلمين راح احجي وياكم بصورة رؤوس اقلام واني اعرف راح اتلكفونه وهي طايره... الاسره هي المؤسسة الاولى المسؤله في تربية الطفل والحمدلله اليوم الاسره شلون اتمر بتناقضات اخلاقيه ودينيه ...الخ نكره الجذاب واحنه اربعه وعشرين ساعه انجذب على اطفالنه نحجي بالرومانسيات والشفافيه وبعضنه حتى زوجته ما سالمه منه المعلم يحاسب الطالب اذا غاب وما يحاسب نفسه اذا غاب عن الدروس عيب ومايجوز نقولها للطفل اذا تلفظ بالفاظ قبيحه واذا غلط نفس الطفل نمطره بأسؤ اللافاظ تافه غبي حقير وغيرها نعلمهم حسن الجوار واول ما يخطء الجار معنا حدث بلا حرج نعلم اطفالنا ديننا ونقول لهم ان الاسلام دين تسامح وايخاء وموده وحترام الاخرين حتى وان لم يكونوا مسلمين ونحن احدنا يذبح الاخر ,شكد عيب علينا كمتعلمين لمن واحدنه يسولف بالدين وهو ما يطبقه ويسولف على الوطنيه وهو اكبر حرامي بايك الوطن والحجي بيناتنه كلنا حراميه حتى اني داعيكم والحرامي مو بس الي يصطي على بيتك ويبوكك لا الحرامي حتى الماملتزم ابدوامه كموظف صح..؟ عيب علينا واحدنه يضحك على الثاني نتلاكه ونتباوس وبالاحضان واحد حاقد على الاخر واحدنه كاضيه زيارات وعمره وهو حتى جاره ما سالم منه وكل هذا يحدث امام الطفل طيب بعد عشرين سنه شراح يتخرج هذا الطفل بس الله يدري ويستر