صِحنــــه الله وأكبر ياموسى ابنَ جعفر
عليك الكلب حزنان يبن قـرآن الأيمـان
جرح فركاك يسعـر
************************
يموسى الكاظم ويادوحة المعروف يالجبدك خلص رهن السجن ملهوف
بعد جدك مصابك مثله مامشــيوف وجبل حلمك عليمن بالسجن مجتوف
تكابد جور وهموم وتالي تموت مسموم
العقـل بأمــرك تحيـر
*************************
شفت باب السجن علبي ضمد مسدود وكَلت راح الأمــان البالبلد موجود
شوكت يرحمنه أمنه وللبلاد يعود ورايات الســــــلام بهالربوع تسود
يمته إيزيح الآلام ويشرح صدر الاسلام
العُمر بالهم تكــوّر
************************
العمر بالهم تكوّر عالمك هالروح وعلمنه أنتصبّر والزمان أجــروح
جسد فوك الجسر لجل العدل مطروح ترك بينه الأمل يوم الرحل مذبوح
يهل البيت يمجاد علينه آنهالت أحقاد
ومواليــكم تمرمر
***********************
مواليــــكم تعـذّب والزمـن دولاب لجل حبكم أمانه تناهشــه الارهاب
دول حتى الزعانف طلعتلها أنياب عَتبه الها وتريد أتصفي بيها حساب
غزونه وكلهم أجلاف عليكم منهم أنخاف
مراقـدكُــم تِفَجّـر
*************************
أعتدوا ياســيدي علينه الظلاميين لتشـويه العقيدة أتحاشموا والدين
بحقدهم نبشــوا كبور الصحابيين وبهذا الدرب بأمر الجهل ماشــين
وكبر زينب ينادي جزت حدها الأعادي
ووضعنه شــكَد تدهور
**************************
الوضع يبن الأماجد مايسر محبوب مصايب بيها طحنه وصارت النه كلوب
وشفنه العالجبين بها العمر مكتـوب ومن غلْها النواصب ماتريد أتّـوب
الوضع يبن الميامين على جفوف البراكين
الكلب ذاب وتفطر