بمناسبة ذكرى رحيل شيخ المنبر الحسيني الدكتور احمد الوائلي ( رحمة الله عليه )
الليلة عدمن ضيف شيخ الوائلــــــــي
ضيف طه وضيف ابو اليمه علـــــــي
                ******
الليله شيخ الوائلي ضيف الرســـــول
وضيف ابو اليمه علي وضيف البتول
الليله رب العرش للجنه يكول
                       ها يجنتي بوجه احمد هلهلــــــي
              ******
ا ليله شيخ الوائلي ضيف الحســيـن
يهلي بيه ويشبكه بشوك وحنيــــــن
الليله يفرح بيه زين العابديـــــــــــن
                      وجنة الرحمن بيهم تمتلــــــــــــي
             ******
الليله اهل البيت عدهم زهللـــــــــه
كلهم يصيحون يأحمد ياهلـــــــــــه
خادم اهل البيت بالجنه شلــــــــــه
                    قصر عالي ..وحور.. واقداح وحلي   
خادم اهل البيت من رب السمـــــه
أيحصل بتاليه احسن مكرمـــــــــه
الليله شيخ الوائلي يم فاطمــــــــه
                      وراسه من الفرح شامخ معتلـــي  
                      الليله عدمن ضيف شيخ الوائلــي
                     ضيف طه وضيف ابو اليمه علــي

ـــــــــــــــــــــــــــــــــــــــــــــــــــــــــــــــــــــــــــــــــ