(( أنتخب ))/ابو عقيل الناصري
Thu, 18 Apr 2013 الساعة : 15:49
لاتكول أرجـــــــوك ماريـد أنتخب أنتخـب يبن الوطـن ياهو التحـب
******************************
ياشعب مســـتقبلك بالأنتخــــاب وبأختيـارك والنبي أتعمـر الخراب
لو جنت عطشــــــان وتدوّر شراب عيني لازم تشــــــرب الماي العذب
..............................
أنتخــــــــــــابك لاتـرِد وتـهوّنَــه بيـه حكك يامــواطن تضْمِنـــــــــه
تدري لو ماتنتـخب هاي الســـنه حكوكك أتضيـعها وحكـوك الشــعب
..............................
ياشعب من تنتخب والله العظيـم تفوّت الفرصه على كل مغرض لئيم
جم فقيـر أتســــعده وياك ويتيـم وللوطن من تنتخب (صــوتك ذهب)
..............................
يامواطـن هالبــــلد محتـــاج إلك اليوم لو شـــــــيطان صوتك لو مَلَك
ياحبيبي اليـوم أنتـه أعلـه المحـك دير بالك ياشــــــــــــهم لا تنغـلب
..............................
يامواطـن موطنـك بأحـلك ظـروف وتدري عدوانـك عل حدودك صفـوف
اليوم كلها تريد من عندك تشوف وين مايـل بالأمــــــــــل هـذا الكلب
..............................
أنته كون اليوم إلك موقف شريف لايعـــود لهالوطن فصـــــل الخريـف
وما أظنك موقفـــك موقف نحيـف والعراق كبـــــــــالك بموقف صعب
******************************
الشاعر : أبو عقيل الناصري (مسلم مصارع علوان)
