ما اريدن اكولن اني تعبان .................ولا اريد الحزن واضح عليه
ولا اريد الدموع تبين الفات...............ولا كول الجرة كله من اديه
لان الناس الهه الظاهر تشوف...........وماتدري الزمان شسوه بيه
وماتدري الحزن وياي مولود...........بفد يوم نولدنه احنه سويه
صدكوني بزماني هواي لوعات.......بنص كلبي طعناته سريه
شوكت تخلص الدنيا وتخلص الاه.....وبعد ما شوف لوعات الدنيه
لان الدنيه بيه هواي اهات...........وبيهه اشكال ماتعرف حميه
تعرف بس نفاق وتعرف البوك......وتعرف بس سوالف عفلقية
راح البعث وله وراح هدام...........واجتنه هواي شبه العفلقيه
تتلدد تشوفك انته حزنان............واتعرف تحلك فد قضيه
وتتمنه تشوفك انته مدبوح.........عادي عدهه عادي هالبليه
وهواي السوالف ادري تطول......ادا رايد اسولف هالقضيه
بس كافي العتب ياكلب بس .......عاد توجه واندعي لرب البريه
والحك دائما تلكاه وياك .........وربك تخلص بهاي المسيه
الهي بجاه ابو القاسم محمد.......فرج لامتك والجعفريه
.............................................................
انا ليس بشاعر ولكن اكتب هده الكلمات البسيطة والتي تخرج من اعماق قلبي بسبب المأساة والظلم والدي مع شديد الاسف لم يجد الصدور الرحبه التي تحتضن المظلومين من الشريحة التي عانت في النظام المقبور وبقيت مظلومة لانها لاتطبل للسياسي او صاحب المنصب ون لا يبوق ولا يطبل طبعا يبقى في سلة المهملات لانه غير وطني
ياترى هل الوطنية تقاس بالعلاقات ام بالسيرة الحسنه التي يتحلى بها اي مواطن سواء كانت تلك السيرة في منطقة سكناه ام في الدائرة التي ينتمي لها
فيا لها من مصيبة وطامة كبرى ترى من يتغدى على دماء الابرياء متنعم ومن يخدم الوطن وهو بدلك يريد ارضاء ربه اولا لان حب الاوطان من الايمان يعيش في ضنك الدنيا
ولكن ولله الحمد اقول لهم باسمي وباسم كل الشريحة المظلومة تنعموا وعيشوا دنيا الملوك دنيا هارون العباسي فوالله لاتدوم ولن تدوم هل دامت الى فرعون هل دامت الى قارون الى النمرود واعلموا ان الدنيا جنة الكافر وسجن المؤمن وسوف نخاصم كل من ظلمنا واغتصب حقنا الى رب العباد والحمد لله على نعمة العافية والحياة وكل النعم