قصيده البطاقه للشاعر هدام جاسم الركابي/محمد الحنتوشي
Mon, 17 Dec 2012 الساعة : 16:42
لان طولي عراقي وسمر بلون الجنوب
رادوني اجوزن يا حسين منك ورادوني اتوب
وزرعوا الشارع قنابل. وفخخو كل الدروب
واني ابن ذيج الحروب . العرفت اني ابن المقاتل واني هسه هم اقاتل
وعندي خوذه وزين لابسلي نطاق
والله محنه جان جدي النوب ابوي وهسه اني وبعده ماصافي العراق
وبله كلي اشقبض جدي من عراقه
واني شلي بالعراق
جمل عندي شلي ناقه
عيشه كوه الفضل لله والبطاقه
والبطاقه هي دمنا
والبطاقه هي هما
والبطاقه اشكد شريفه كلشي ما منطينهه وضلت تحبنا
والبطاقه بيهه رب الاسره ابونا أواجب احنا انطيع ربنا
والبطاقه عدهه فد موقف عجيب
طفل يبجي امه ماتت هي اجته وشايله اجياس الحليب
والبطاقه اشكد رقيقه وشجع من هوايه ناس
وكفت ابوجه السياسي وابد ماطختله راس
والبطاقه عاشت اتلولي وتبات
ام الاطفال البطاقه الضلوا بلايه امهات
تستحي منا البطاقه جي نقص بالمفردات
البطاقه يحبهه الله . حتى الله يحبهه اذن بيه لغز
من اجا الجوع واكل بطن الفقير هي اجته وصارت بحلكه خبز
الشاعر
هدام جاسم الركابي
