يا عراق/عماد الحسني
Mon, 29 Oct 2012 الساعة : 0:02
لأجلك اضحي النشامه يا عراق
تنزف اجروح الكرامه يا عراق
بساحة الفداء *** اعلنو الولاء
&&&&&&&&&&&&&&&&&&
يا عراق حسين يل بيك احتمينــــه
ومن عذب مايك غرفنه ورتوينـــه
لاجلك ارواح ومهج نفدي وحدينه
نرفض الباطل نظل واهل الضغينه
ما نساوم تدري بينه يا عراق
وليضدك خسر دينه يا عراق
قلعة الاباء *** اعلنو الولاء
&&&&&&&&&&&&&&&&&
يا عراق حسين يل بيك انتباهـــــــه
ارضك الطيبه بدمى حسينك رواهـه
واثمرت احرار معروف بولاهـــــــه
ورخصت لاجلك تزف تفدي بدماهه
ضحت اصحاب العقيده يا عراق
وليباعك ما نريده يا عـــــــراق
نعلو بنداء *** اعلنو الولاء
&&&&&&&&&&&&&&&&&&&&
مثل زينب صفت بغدادك سبيــه
دخلو عليه النواصب والبغيــــه
ظلمت وحرگو خيم اهل الحميه
اتحملت الام وهموم واذيـــــــه
قلعة العز والشهامه يا عـراق
موطن الحق والامامه يا عراق
قدموا الدماء *** اعلنو الولاء
&&&&&&&&&&&&&&&&&&&&&
الصادق ايگول الوطن حبه عباده
لابد انضحي ونرد لينه اسيـــــاده
لما تشيله الغيره معروف نحياده
يبقى طول سنينه فاقــــدة الاراده
ثابت الصادق كلامه يا عراق
واضح وزال الظلامه يا عراق
ينبع الوفاء *** اعلنو الولاء
&&&&&&&&&&&&&&&&&&&&&&&
جفوف سبع الگنطره تنزف حميـــــــه
اتحرسك اسنين اصبحت جفه السخيه
رايته اترفرف بگت بالغاضريـــــــــــه
ضحى لاجلك يا عراق ابن الوفيـــــــه
حراسك بدر الهواشم يا عـراق
تبقى عايش دوم سالم يا عراق
تشهد السماء *** اعلنو الولاء
&&&&&&&&&&&&&&&&&&&&
يا عراق حسين من يظهر ولينه
المهدي منقذنا وامل بيه اقتدينه
عيونه تنظر والگلب ينبع حنينـه
ناشر الحق والعدل وارث نبينــه
ولواله العتره يربح يا عــراق
نعتقد بالمهدي مصلح يا عراق
يحمل الواء *** اعلنو الولاء
عماد الحسني
