شامخ ياعلي اسمـك بانـــــــــــواره من وحي الاله اختار مضمونــــــة
بالكعبة احتضانك لوله الك جبريل والاملاك كاروكك يهزونـــــــــــــة
حجة انته علي من المهد مكتـوب الله النصبك ما نصبك دونــــــــــــة
بس انته تعرف الله ونبي الاسلام وشخصك ياعلي همه اليعرفونـــــه
عدل قرآن وزنك رحمة الاسلام وبالحك شيعتك اسمك يرتلونــــــــه
شمانكتب قوافي عنك مقصريـن ييعسوب الخلائق بيك مرهونـــــــه
يامـــــن بالعرش نورك بهر آدم بالذر زاكياتك بيه مكـــنــــونـــــــه
علمك ما يحدة شما بحر غوص من يوم البزغ نورك بماعـونـــــــه
ياقاظم انوف اعداك ياكـــــــرار لو رادو نبي الاسلام ياذونـــــــــــه
انامل طيب جفك ياابو الحسنيـن هامك ماسجد لو ثان ملعـونــــــــــه
علي الدارك نبيه بساعة الشدات علي صاحب قضية ولا وكف عونه
علي بروحة تقرب للفراش وبـات وما هاب الحقد وسيوف مفتونـــــه
كفل ضعن الرسالة والعيون تشوف ولمن ســـار ضيغم ما يكحمونــــــه
علي نفس الرسول اعتصم بيه الدين وبكل المعــــارك عارض متونــــه
علي بـــــدر وحنين وأحد ياكــــرار علي ماكو انتصار ايصير من دونه
علي بيوم الاحزاب وكفت الكـــــون والخندق مثـــــــــل والكل يذكرونه
لمن صاح ابن ود وين الاســـــــلام ذاك الي بالف فارس يعدونــــــــه
لليبرز محمد كال جنة وحــــــــــور ثلث مرات ما جنهم يسمعــــــونه
دكت روسهَ وبس حيـدر الكــــرار شمر كلبه على صدرة بروح ما زونه
ضربت حيدر الكرار ركن الديـن عدل جن وبشر ربهــــــم يعــــــــبدونه
وداحي الباب حيدر من شطر مرحب والبـــــــاب أربعين الي يسدونــــــه
علي اية علي بالحك فرض رايـــة علي ما خالف الهادي ولا قط خيب ضنونه
علي الفاروق يل بالقســـط ميزانـــــه علي وة المصطفى بمنزلة هارونـه
أمير بآية التبليغ والي على الانس والجن وحتى النحل طاعة ولسع من دونــة
مشدوهه القوافي تبارت بطــــــرواك لن بـــحرك غميج وما يحدونــــــــه
يبو العلم الغزير الماتحدة اقــــــــلام واسرار العظيمــــة بيك مدفونــــــه
وانته بالثلاثـــــة طلكـــــت دنيـــاك وياهو المثل شخصك رفض مزيونه
لجلك مو عجيبة الشمـس لـــو ردت النبي سليمان بالخـــــــاتم يطيعونــــه
وانته خاتم سليمــان بالشــــــــــدات بالفطرة الروافض من يندبونــــــــه
علي الما كرعلى المجفين والمهزوم علي والبارزة الفقــــــار طاعونــــــه
علي قطب الرسالة ومحور الديـــن والحك وي علي ينعـرف قانونــــــه
علي اكبر ظليمة البايعك خـــــــــان وباوصافك علي كامـو يوصفونـــه
ومن يوم السقيفة وعصرت البــاب بدى التحريف بالتاريـــخ يملونــــه
ياشمس الضحى يل ما يضمك غيم يدير الحك وياك شما يحرفونــــــه
ظهير انته المحمد عن وعي وادراك والينكر دنس باصله ويذمونــــــــه
علي الينكر جنابك ينــكر الديـــــــن والعاداك عــادى الله ونبي كونـــه
المثلك ياعلي ينغــــدر بالمـــحراب وبسيف الغدر راســـــك يطبرونه
بمصابك ياعلي مهدومه الاركــان مفجوع السما والكاع محزونـــــة
وينعاك الكــلب ياعروة الديـــــــن والما يهل دمعة يعمــن عيونــــه