الاسم: منتسب في مستشفى الامام الحسين التعليمي
------------------------
نقدم الشكر الخاص لمستشفى الامام الحسين التعليمي في ذي قار للجهود المبذوله في رعاية منتسبيها في وحدة الطؤارى وتلبيه احتياجاتهم بعد دوام تصل مدته 24 ساعة من العمل المتواصل
سؤال 1 / هل هذا مايحصل علية الموظف من وجبة طعام بعد دوام 24 ساعة ؟؟؟؟؟؟؟؟؟
القصد مو من وجبة الطعام لاكن هل هو هذا التقدير للمرض
الشي الثاني تخابر المقاول المسئول عن الفندقه يكلك انه مسافر و ( روحو اشترو من السوك ) شوفو شلون منطق حلو .............. مو
الشي الثالث ماكو غرفة استراحه او غرفة تناول الطعام ..... وبصراحة ناكل الطعام واحنه واكفين !!!!!
سؤال 2 / اكو بالعالم هيج نظام دوام 24 ساعة وبالطوارئ ؟؟؟؟؟؟؟؟
هذا حال الممرض ؟؟؟؟؟؟؟
والله مع الاسف البالغ انو احنه صرنه ممرضين وخاصه بالعراق ....... وهذا تقديرنه ...... مع كل الاسف
أتمنى احد يجاوبني صح من أي جهه كانت من الوزارة من هيئه النزاهه من مجلس محافظة
خلي يجي ويشوف حال الممرض في وحدة الطوارئ شلون صاير .... واتمنئ ان من يجي خلي يكون بدون علم المستشفى يجي كانه مراجع عادي بدون أي رسميات للمستشفى ويلقي نظرة على حال الممرض ويكون الدوام المسائي حصرآ رجاءآ في المسائي فقط ..... اللي والله العظيم ما اعرف شلون اعبر بي الكم
اتمنى اكو شخص تتحرك عنده الغيره شويه ويجي ويزورنه ويسألنه ..... وشوف شنو الردود