عند متابعتي لمجالس الخطباء الحسينيين وجدت ان اغلب خطباء المنبر الحسيني لم يرتقوا الى مستوى التحديات ومحاكاة الفكر الواعي الذي يتطلب منهم ان يقتفوا البحث العلمي والمادة الرصينة البعيدة عن التسطيح . خصوصا وان الفضائيات اتاحت لهم فرصة مخاطبة العالم لينقلوا فكر ورسالة الحسين عليه السلام . فمن هذا المنطلق وجدت من واجبي كشاعر ان ابعث بهذه الرسالة الى الخطباء الحسينيين في العالم مع العلم ان حديثي هنا عن الظاهرة العامة . اي انني اقدر ان هناك من يستحق الاشادة والثناء وان المنبر الحسيني لا يخلو من الخطباء الافذاذ لذا فقصيدتي موجهة للموجة العارمة وليس للكل . مع اعتذاري من سيدي ومولاي ابي عبد الله الحسين عليه السلام اولا ان اخطأت الهدف .. وانحني لكل من لهج لسانه بذكر الحسين عليه السلام وافتدي تراب اقدام كل من يرتقي المنبر الشريف . ولكن لابد من النقد وتشخيص الادواء من دافع الحب والله تعالى اعلم بالسرائر.

* القصيدة *

محتاجين منبر بي وعي واحسـاس      رغم حرمة الدمعة الدمعة مطـلوبه
بس نريد عِبرة وعَبرة والمفـروض     بلْسان الخطـــيب الكـلمة محسـوبه
مـا اريد بحـــلم ننشر افكار حسـين      ونخَلّي الدين بيـــد البعـض العوبه
تره اليبني العقيدة بحلم مهما يكون       مثــل اليبني بيت بگـــاع مرطوبه

أوّل من خطب بالطف وريد حسين      ارتقه راس الرمح وارتجل بالمنحر
رغم ثقل المصيبة يرتّـــــل القـران       من هاي المعـاني اقتــبس واتصوّر
اله غاية الحسين وراد يصنع جـيل       يبـث بينــه الوعي وبافكاره نتـــأثّر
قره القــران نحره بهاي راد يـگول      تره القـران امـــانة بذمـــــــة المنبر

لا تخـــذل امامــك منـــــــبرك نقّـيه      المنبر رافــــــــعك ويـــريدك ترفعه
نعم بچّيني انطي عيوني لجل حسين      بـس لا تستــــــغل عاطفتي من تنعه
لتطَلّــــــعلي زينب من خدرها تنوح      وهيْ بعيونها ومتحَــــــــجّبه الدمعه
بچت صح بچت بس لتزَعِّل العباس     وتگلّي الشمر يدفـــــــــــعها وتدفعه

وضوء العقل حكمة ومن يصلّي يريد    بالكلـمة المفيدة يواجـــــه القِـــــــــبله
تره المنبر سفارة بـدولة اهــــل البيت    ولسانك ســـــفير يمثّــــــــــــل الدوله
أوّل كلمة أقرأ گـــــــــــــــالها القران      شمتانين وبطـــــون الكتــــــــب حبله
رايد منبر يعلّمـــــــــــــــني مو ملّيت      يامنبر يجي ويستنـــــــــــــسخ القَبْـله

انهل من فصــاحة علي وفكر حسين      نهر من المعارف لا تظَـــــن ينضَب
تتعــــب بالنعي وما اعترض مأجور     بس من تنقل المعلـــــــومة هم اتعب
لتنوّم احساسي بقصص مدري منين     احترم عقلي القصص ماتخدم المذهب
يل صوتك يبــچي الصخر من ينوح     مثل صوتك اريد المجــــلس مرتّـب