عتاب لقمة بغداد
قمة بغداد وان هي استحقاق
لكن العتاب عليها ومنها امر وادهى
أنطيني لكَمه...ومن بعد تعقدلي قمه

اشعل ابيت الفقير كَلوب

مو حتى بنهاره يعيش ظلمه

وفّر لهذا الشعب لحظة امان

الموت مو عدنه وصل لابواب حلمه

أمصدّك انت من القمم تجني الشعوب

وداعتك بس الحجي وشلون لمّه؟

اصرف فلوس الضيافه اعله الجياع

القاده من مال النفط صابتهه تخمه

خل ابن عمي يكف عني اذاه

كَبل لا اكَعد ودوّر وياه عمّه

مو اشوف ويل الاجو جتالي جاي

ومن مقابرنه الضحايه تصيح بأسمه

خاف بالقمه الحجي يجزي مداه

وينفجر غيض العراق ونار دمه

خاف يصرخ يا عرب طلعوا الجناة

كَبل لا توصل كَهوتي اشفاف زلمه

آنه اشوف ابينكم كاعد يزيد

وينتظر فرصه ويدج بحسين سهمه

آنه وصتني الثكالى وكل شريف

اصرخ بوجه العرب ياناس رحمه

وخاف تزعل من صراحتنه الملوك

لهسبب ننسه الجرح وتشوف بسمه

لهسبب ننسه الجرح وتشوف بسمه