اذا دنياك سدة باب الافراح
وقسى وكتك عليك وهضم شفته انته
انطي لكربلاء يا صاح وجهك دوم
واندب ابو الغيرة الكفل ضعن اخته

واذا إلتمن عليك وامشتتات البال
لا تنسى ابو فاظل حاضر الشدة

واذا ضنكك عسر لا تنسى ابو السجاد
ابو اليمة الابد منشاف ضل يمه

واذا بالمحنه اطيحن اندب انا حسين
وبكل عثرة إلتمر يحضرني رايدنه

كتلني الهضم بعدك ها يبو السجاد
اتعنيت اجيت ودمعي ساجيته

وصل حدة الصبر ما ضل بعد بي روح
وتعبني السهر والحزن شايلته

دخلت لحضرتك ولهفة بيه تزيد
وسري بحضرتك هاليوم كاشفته

انا الدكيت بابك وكت دكني العوز
وما دكيت باب الدنيا فاتحته

ولك اقسم بجاهك عد رسول الله
يقضي الحاجة اليه وامري طالبته

واذا شرط الاجابة النيه تصفى وياك
انا عمري الك على الفطرة ناذرته