ولا طبيب بناحية الفجر .. الى من يهمه امر المواطن ؟؟
Sat, 28 May 2011 الساعة : 11:20
الاسم:
فاعل خير بس مكروه بين المسؤولين
السلام عليكم
اريد اكتب مقالي باللهجه الدارجه وابتعد عن الفصحى والسطور الملونه والمزغرفه لان الصراحه ملينا من من كثر الكلام والخطابات .
ناحية الفجر نفوسها 57000 نسمه يعني بعد الفين نسمه نستحق مستشفى عام وحاليا بيها مركز صحي رئيسي ومركز صحي نموذجي وثنين مراكز فرعيات وبيها ثنين طبيبات واثنين اطباء وخير من الله الطبيبات مخلصاتها اجازات مرضيه ماعرف منين وعلى شنو كلما نجي للمركز الصحي يابه وين الطبيبه يكولون والله مجازه
مريضه الدكتوره خطيه وماخذه اجازه مرضيه بس بعيادتها صحتها فوك النخل ههههههه يعني بس بلدوام مريضه ومن تصير الساعه 3 الظهر تصحى الطبيبه وتروح لعيادتها.
نجي للمركز الصحي الصبح نلكى دكتور اسمه اركان نجي العصر نلكى دكتور اسمه اركان نجي بالليل حالات طارئه نلكى دكتور اسمه اركان الشهاده لله الطبيب الوحيد اللي نلكاه بالمركز الصحي هو اركان فقط والباقين الله اعلم ..............
يابه كولولنه مالنه حق يجينه طبيب ويثبت بالفجر لو لا؟؟؟
بس اريد واحد يجاوب على هذا سؤالي اي واحد السيد مدير دائرة صحة ذي قار او السيد رئيس مجلس محافظة ذي قار لو السيد المحافظ لو حتى لو موظف خدمه بدائرة صحة ذي قار يرد علينه هم قابلين المهم نشوف احد سمعنه
.
والسلام
