مستهلات بمناسبة اربعينية الامام الحسين-ابو فرات المظفر-البصرة
Fri, 3 Feb 2012 الساعة : 10:58
يحسين ظهرة للشمس مكشوفه
حكام تلعب عالحبل معروفه
شنهو تاليه المصير
يطلع ارهابي الوزير
طارق السفاح ياوسفه عدل ونشوفه
يحسين ظهرة للشمس مكشوفه
***********
بالروح بالدم للوطن ضحينه
يحسين جمدوب الصبر ملينه
زمره تحفر بالظلام
الهدف قلب النظام
اتصير عملة كربله والكوفه
يحسين ظهرة للشمس مكشوف
***********
يحسين بس كافي الصبر ياذينه
ياحيف زمره بهل الوطن تولينه
عدنه مجموعة لصوص
خالفت كل النصوص
فرحان كالواحد يحني جفوفه
يحسين ظهرة للشمس مكشوفه
************
يحسين جمدوب الصبر للتالي
بلا عدد راح انفكد كل غالي
نبقى نتفرج نشوف
والعدو سل السيوف
يحسين ترضه بشيعتك مجتوفه
يحسين ظهرة للشمس مكشوفه
************
يحسين مشروعه نكشف علاوي
والنجيفي آه منه ورافع العيساوي
ذوله من خلف الحدود
من قطر وال سعود
شعب واعي كل عميل ايعوفه
يحسين ظهرت للشمس مكشوفه
**************
يحسين مطلك هالنذل مو توه
معروف تاريخه قذر وشسوه
هذا عملاق الجريمه
مانظف ايده اثيمه
دوم يلهث والنفس ملهوفه
يحسن ظهرت للشمس مكشوفه
************
يحسين بغداد اصبحت من تالي
مسعود يصور علينه الوالي
ليش نخفيه المعاني
عنده لعبه البرزاني
كام يضرب عالوتر معزوفه
يحيسين ظهرت للشمس مكشوفه
2012 م
