غايتنه معروفه تره غايتنه
نترجه تقبل سيدي زيارتنه

عاهدنا الك ياسيدي عاهدنه
مانكطع أبدا عنك زيارتنه
ماخفنه من الموت ابد ماخفنه
لاناسف ولا عبوه ابد هزتنه

بحب النبي وال النبي اتشرفنه
ومشايه لحسين اربعينك رحنه
فدوه وسبع فدوات الك من طحنه
حسدتنه كلهه الوادم الشافتنه

 بالبصره والبطحه تره اذبحنه
بعبوه وحزام الناسف اتفجرنه
ماهمنه ابد من متنه ابد ماهمنه
نستشهد احنه وتوصل زيارتنه
 
تعذرنه يحسين وبعد تعذرنه
جيه ماوصلنه الكبرك احنه ورحنه
بس عن بعد ياسيدي من زرنه
بدمانه يتحقق امل غايتنه

توحدنابيكم سيدي توحدنه
ولو نتبع غيرك تره تفرقنه
نفس العذاب العذبوكم شفنه
حالتنه صارت هل الشكل حالتنه

غايتنه معروفه تره غايتنه
نترجه تقبل سيدي زيارتنه