بغداد شنهوُ الغَيَرِجْ
مو جِنْتي والله تِضوين
ياما حِمَلْتِي حِزِن
إوظلَّيتِي بَسْ تِزْهين
تبجين دَمْ إو ألَمْ
وإبظاهرج تِبْتَسمين
إنتي الضوى والهوى
نفديج بماي العينين
وينه الجمال العذب
خَربوج ذولَه القذرين
بغداد كومي إنْهَضِي
أرجوج لاتكعدين

نومج يِفَرْح العِدا
وعِزّج يقوَي الطيبين
إنهض يابن هذا البلد
إزرع ورد عالصوبين
كرخ إو رصافه سوى
إثنينهم مجتمعين
غاد إبتعد ياعدو
إخوان إحنا إمن إسنين
للواشي لاتسمع أبد
بذنّك تحط لازم طين
لاتنطي فرصه لوغد
إلهذا الوطن إحرص زين
كافي بعد مَلْ الكلب
إليمتى نِظَّل مطَّشرين
كل واحد إيجر إبصفح
بشمال مرة وبيمين
هذا يريد بشمال البلد
وذاك بصلاح الدين
الدين نادي بالعدل
إتبرى منكم كل دين

كِلْ نَفِسْ شَّرْ بيها أوخَيَر
إلاّ هَلي المختارين
إبطيبة كلبهم ماشفت
لابالهند ولابالصين
إبطيبة كلبكم ماشفت
شيمة وكرم... عراقيين